United Zomi Organisation Khangthu (1954-2004)

- Summerized by Pu Thangchinsuan

(Pu Thangchinsuan kum 1967 apat 1969 sung UZO Khuga West Block Scretary in na pang hi. 1970 in UZO Hq. ah Finance Secretary in na pang a, 1972-73 in Joint Secretary-Cum-Finance Secretary in na pang kia leuleu hi. 1973 kumtawplam apat in 1990 sungteng UZO Joint Secretary in pang hi. 1990 apat dated 14/11/2001 tan UZO General Secretary gin-umtah in na sem hi. Tulaitah in UZO Adviser ahi. Mi kukal, gentamlou a sem mielmuol mi ahia, ei lah a ettontahvawt mi khat ahi hi. Tam UZO Khangthu ang suutsah jieh in ama kung ah lungdamthu i tut hi) Secretary, Souvenir Committee.

Amasa in UZO Executive Committee in UZO Golden Jubilee toh kisai a Taangthu sut diing a ang angsie jieh in member zousie leh Zou mipi kung ah kipahthu i gen masa hi. UZO taangthu i sûtna dîng ah kimsitset a sut theilou dîng i hijieh in dahuoi i sa uhi. Vangsiet huoitah a Pu Thangkhanlal in Ang kâh in i record bu uleh i neitâh uh tampi a kâhtumjieh ahi. I kingaisiem uh ka hing ngen masa hi.

Read more...

ZOU NATIONAL COUNCIL (JNC) 1954-55

Kum 1953-54 hunlai in Phaipi (Imphal) khosung ah Laisim in Pu Semkhopau, Pu T. Thonghang, Pu Kaizakham adg. ana um uhi. Tua hunlai in India kumpi in Tribe Recognition hun a honlai ahi.

Midangdangte’n achi-anam uh huitupna ding in India kumpi kung ah Recognition a ngen uhi. Tuamabang in i lamkaite un zong lunggel khat na nei uhi. Date 23rd May, 1954 ni in Zou pumpi kikhaikhawmna min diing in Jou National Council (JNC) na phutkhie uhi. Office Bearers diing in anuoi a bang in na teel uhi.

1. Pu S. Semkhopau, President
2. Pu P. Kaizakham, Vice President
3. Pu T. Khup Grace, Chief Secretary
4. Pu T. Thonghang, Joint Secretary
5. Pu T. Gougin, Treasurer
6. Pu Khamzadou, Office Assistant

JNC Office mun diing in Pu T. Khup Grace umna inn, Gimson Road, Imphal na nei uhi.

DRAMA

Chi-le-nam ngainat leh mi lah a tahlat theina diing in Manipur Hills and Plain Festival -1954 Dated 24.1.1954 Nitah dahli (Open Air) Imphal khopi a um ah The Jou (Zou) dancing Party chi min toh na pang uhi. Tuana kizah diing dan Vaiguon (Program) zong Imphal a um Tarun Press ah 22 January, 1954 in na tat/sun uhi.

Tam Vaiguon a item a bawlte uh ahileh:-

Sa-ai, Ton, Shina leh Limpia (Drama)

Limpia min ahileh The Zou War Operation against the British in 1915-1918 ahi hi. Tam limpia a thupite ahileh:

• The refusal of Zou Party to provide 300 coolies when asked by the British
• Petrolling of British Officer during preparation of Hiangtam Fort
• First Attack of British Forces at Hiangtam Fort which led to the death of two British Army by Trap-stone (Suongkhaithang)
• 2nd Attack of Hiangtam Fort
• The Zou Army greatest effort of defending the Hiangtam Fort using Pumpi(Cannons, made of Bamboo wrapped with Animal Skin) Spears, Bows & Arrows etc.
• Capture of Hiangtam Fort
• Great loss of British Army by poison
• Arrest of Zou Leaders and beginning of British Rule
• Amusement & Comic

Sd/- S.K. Samte Sd/- T.H. Tungnung

Tambang in Phaipi khotuol ah lamna leh Limpia etnop-huoitah mai na bawl uhi.
Zou mipi kung a Ngetna (Appeal to Jou Community) date 4.8.1954 in lai na hawm uhi (See Annexture A)

• Zougam thusuo sutzom ding
• JNC phudet diing
• Phaipi mun ah Sakhau khai na’ng Phohbuh khat beh i deisih amah?

Tualeh tam anuoi abang in sum tuoh diing dan zong ana bawl uhi:

• Kumpi nasem (Gaalkap) L/Nk Rs.5/-
• -do- Nk. Rs. 10/-
• -do- Hav. Rs. 15/-
• -do- Jem. Rs. 30/-
• -do- Sub. Rs. 40/-
• State nasemte Rs. 10/-
• Hausa teng in Rs. 10/-
• Nautaang in Rs.2/-

Tambang a panla in kukaltah in Zou sung ah na nasem uhi.

Read more...